Komisioneri për Zgjerimin e BE, Oliver Varhelyi ka thënë se Shqipëria është gati për të hapur negociatat me Bashkimin Europian.
Ai ka theksuar gjatë konferencës së përbashkët me kryeministrin Edi Rama se Greqia nuk duhet të bllokojë procesin, pasi puna e vendit është positive.
Më tej Varhelyi tha se muajin tjetër do të jetë takimi i radhës ku do të diskutohet hapja e negociatave.
“Pra, ju dëshironi që unë të flasë për Shqipërinë në mënyrë negative? Nuk do ta bëj këtë, puna e Shqipërisë është pozitive. Hapat tuaj e kanë treguar këtë dhe ja ku jemi. Ne jemi të dakordësuar në Bruksel se Shqipëria është gati për hapat e parë për në Bashkimin Europian. Nuk e kuptoj dot pse nuk e marrim dot ne këtë vendim dhe pse është hapi i radhës. Vendi fqinj nuk duhet të bllokojë procesin, ndërsa ne po përpiqemi të ndihmojmë dhe muajin tjetër do të kemi takimin e radhës, ku do të diskutojmë për hapjen e negociatave”, u shpreh ndër të tjera.
