Foto “hit” e momentit në rrjete sociale është padyshim renditja e Shqipërisë si e para e grupit G, duke lënë pas Italinë dhe Spanjën me dy pikë diferencë. Por kjo duket se nuk i intereson dhe aq trajnerit që vazhdon të jetë me këmbë në tokë dhe me mendje i përqëndruar në sfidën e rradhës.
De Biasi është shprehur i kënaqur për rezultatin por jo dhe aq për lojën pasi ishte i mendimit se kuqezinjtë mund të kishin luajtur dhe më mirë. Italiani nuk e sheh vendin e parë në grup si një avantazh në rrugëtimin drejt një vendi në Botërorin 2018.
“Nuk ka vlerë vendi i parë, kemi bërë dy ndeshje. Kemi pasur edhe një kalendar të përshtatshëm, zakonisht në favorin tonë nuk ka asgjë. Italia dhe Spanja u përballën me njëri-tjetrin dhe ata janë favoritet për vendet e para. Pas dy ditësh do të shohim më mirë situatën”, tha de Biasi.
