Teksa koronavirusi ka lënë mijëra viktima në të gjithë botën, Shqipëria ende qëndron e paprekur.
Ministria e Shëndetësisë është shprehur se janë testuar 59 raste të dyshimta, por pas analizave kanë rezultuar negativ.
Rastet kanë pasur shenja të infeksionit respirator dhe histori udhëtimi me vendet ku ka shpërthim epidemik koronavirusit. Rastet e testuara deri tani i përkasin kryesisht: Tiranës, Shkodrës, Durrës, Fierit, Lezhës dhe Vlorës.
Spitali Infektiv do të jetë spitali që do të menaxhojë rastet e para, me një staf të përcaktuar dhe të trajnuar dhe në varësi të numrit të rasteve janë përcaktuar spitalet COVID 1 dhe COVID 2 si dhe spitalet dhe stafi mjekësor ku do të zhvendosen pacientët ekzistues.
Sipas të dhënave të Njësive Shëndetësore kufitare, në 24 orët e fundit në te gjitha pikat kufitare në total kanë hyrë 23035 udhëtarë të cilët u janë nënshtruar kontrolleve.
Ministria e Shëndetësisë dhe Mbrojtjes Sociale rekomandon për udhëtarët që kanë udhëtuar nga rajonet e prekura me shpërthime komunitare dhe që kanë patur kontakte me persona të sëmure apo të dyshuar për koronavirus të vetëkarantinohen për një periudhë 14 ditore./ Opinion.al
