Kryeministri Edi Rama në fjalën e mbajtur pas nënshkrimit të marrëveshjes për organizimin e “World Law Congress Albania 2027”, Kongresit Botëror të Ligjit në vitin 2027 në Shqipëri, u shpreh se Shqipëria nuk ka plan B, përveç se anëtarësimit në Bashkimin Evropian.
Kreu i shtetit tha se është bërë pastrim i jashtëzakonshëm në sistemin e drejtësisë, ndërsa theksoi se tashmë gjyqësori nuk është më në duart e politikës.
“S’kemi pasur kurrë shtet të së drejtës, nuk kemi pasur drejtësi të pavarur, sa kemi sot. Në rrekjen tonë për drejtësi, modeli spanjoll ka qenë burim frymëzimi. Politika është një luftë për pushtet dhe po kështu dhe luftë për drejtësi. Nuk mund të jem më shumë krenar se kaq që të jemi pritës të kongresit. Ju ftoj të vini në Shqipëri dhe ju them se nuk do pendoheni kurrë dhe nuk do mërziteni në asnjë minutë të vetëm nëse do jeni me ne në Shqipëri.
Dua të them që kemi kaluar në një reformë të jashtëzakonshme drejtësie. Reforma largoi prokurorë dhe gjyqtarë të korruptuar. Tashmë gjyqësori nuk është më në duart e politikës
Çfarë plani B ka Shqipëria?
Unë përgjigjem bindshëm se nuk ka plan B për ne. Të kemi një plan B kundrejt BE-së është të kemi plan B përkundrejt lirisë, shtetit të së drejtës. Ju keni më shumë se mjaftueshëm që keni Spanjën. Ne duam gjithmonë e më tepër si ju dhe me ju.
Shpresoj që të kemi më shumë marka spanjolle dhe kompani që do të vijnë tek ne ndërkohë që ka më shumë turistë spanjollë. Verën e kaluar turistët spanjollë ishin tepër të lumtur që ishin në Shqipëri.”, u shpreh Rama.
