Raportuesi në Parlamentin Europian për Shqipërinë Andreas Schieder përmes një postimi në rrjetet sociale thotë se Shqipëria mbetet ndër kryesuesit e vendeve të zgjerimit të BE-së!
Ai ka shkruar në lidhje me një fjalim që ka mbajtur, gjatë një takimi ku në qendër të tij ishin çështjet si sundimi i ligjit, liria e medias, bashkëpunimi rajonal, turizmi i qëndrueshëm si dhe lufta kundër korrupsionit dhe krimit të organizuar.
Në këtë postim ndër të tjera Schieder shkruan se: ‘Shqipëria angazhohet të përmbushë të gjitha kriteret për anëtarësim – dhe do të shpërblehet!’, ndërkohë që ka theksuar se raporti i tij për vendin tonë do të finalizohet gjatë javës plenare në korrik, ku në postim nënvizon ‘do të zbuloni më shumë këtu së shpejti’...
‘Shqipëria mbetet ndër kryesuesit e vendeve të zgjerimit të BE-së!
Takimi i Komitetit të Stabilitetit dhe Asociimit BE-Shqipëri u zhvillua në Parlamentin e BE në Strasburg.
Si raportues i përhershëm për Shqipërinë, u lejova të mbaj një nga fjalimet e hapjes – së bashku me përfaqësues: brenda Komisionit të BE-së, Shërbimit të Jashtëm Europian dhe qeverisë shqiptare.
Në qendër të takimit ishin çështjet qendrore si sundimi i ligjit, liria e medias, bashkëpunimi rajonal, turizmi i qëndrueshëm si dhe lufta kundër korrupsionit dhe krimit të organizuar.
Shqipëria angazhohet të përmbushë të gjitha kriteret për anëtarësim – dhe do të shpërblehet! Raporti im për Shqipërinë do të finalizohet gjatë javës plenare në korrik, do të zbuloni më shumë këtu së shpejti…’, shkruan Schieder.
