Shqipëria tashmë ka dhjetë vjet që është anëtarësuar në Aleancën e Atlantikut të Veriut dhe sot pritet të mblidhen në Tiranë përfaqësues nga 29 vendet të ndryshme, që janë pjesë e kësaj organizate. Në kryeqytet do të zhvillohen një sërë aktivitetesh të nivelit të lartë.
Ministrja e Mbrojtjes, Olta Xhaçka në fjalën e mbajtur sot ka thënë se rajoni është në syrin e stuhisë, megjithëse aleanca është më e gjerë se kurrë më parë.
“Rreziku që i kanoset sot rajonit është më i lartë se në cdo moment gjatë 20 vjetëve të fundit dhe ne e dimë si e dinë edhe rivalët tanë për influencë në rajon që një Ballkan i pasigurt do të thotë një Evropë e kërcënuar. Ka investim të ethshëm nga aktorë të tjerë që shkon në kah të kundërt me vizionin dhe objektivat tona. Përfshirja e tyre është më intensive nga ajo që ka qenë më parë. Objektivi kryesor që kanë zgjedhur për të avancuar axhendën e tyre është nxitja e destabilitetit, në një përpjekje të mirëmenduar dhe e mirëplanifikuar”, ka thënë ndër të tjera Xhaçka./Opinion.al
