Ditën e sotme në Athinë është zhvilluar me sukses mbledhja e parë e komisionit të ekspertëve Shqipëri-Greqi për çështjet e sigurimeve shoqërore. Kështu ka deklaruar ministrja e Jashtme Olta Xhaçka përmes një postimi në “Facebook”.
Xhaçka tha se, diskutimet teknike dhe shkëmbimi i informacioneve është një hap pozitiv në forcimin e bashkëpunimit ndërinstitucional për arritjen e marrëveshjes për pensionet.
“Athinë, u zhvillua me sukses mbledhja e parë e komisionit të ekspertëve Shqipëri -Greqi për çështjet e sigurimeve shoqërore. Diskutimet teknike dhe shkëmbimi i informacioneve është një hap tepër pozitiv në forcimin e bashkëpunimit ndërinstitucional për arritjen e marrëveshjes në fushën e pensioneve, e cila do të materializojë parimin e mbrojtjes sociale për çdo qytetar i cili ka kontribuar aktivisht në ekonomitë e të dy vendeve tona.”, shkruan Xhaçka./Opinion.al
