-Jetë dhe Stil

Shqipëria, destinacioni i dytë më i preferuar nga italianët këtë verë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:32 - 02/08/22 |
el ida

Një artikull i publikuar nga Ansa një ditë më parë tregon se Shqipëria është destinacioni i dytë më i preferuar i italianëve këtë verë, pas Catanias.

“Tirana është në krye të preferencave të rezervimit për ata që largohen nga 7 rajone italiane, Emilia Romagna, Liguria, Marche, Puglia, Toscana, Umbria dhe Veneto”, thuhet në artikullin që po e sjellim më poshtë të plotë.

***

Fillon muaji  i shkëlqyer i dedikuar pushimeve në Itali, megjithëse viti 2022 ka shfaqur një preferencë në rritje edhe për muajt e tjerë të verës.

Shumica e italianëve që do të largohen në ditët në vijim kanë rezervuar veçanërisht në fund të verës, ndërsa më shumë se 30%  kishin rezervuar korrikun dhe 28% të tjerë jo përpara qershorit 2022. Është ky rezultati i një prej analizave të realizuara nga e-Dreams.

Ndër destinacionet më të dëshiruara nga italianët për këto javë është Catania, e ndjekur nga Tirana e lakmuar dhe Palermo.

Në veçanti, Catania është zgjedhja e parë për udhëtarët që vijnë nga Piemonte.

Tirana është në krye të preferencave të rezervimit për ata që largohen nga 7 rajone italiane, Emilia Romagna, Liguria, Marche, Puglia, Toscana, Umbria dhe Veneto.

Qyteti tjetër Sicilian, Palermo është një destinacion pushimi për ata që nisen nga Lazio, Lombardia dhe Marche, ndërsa destinacioni i parë sardinez në renditje, Olbia, “rrëmben” para së gjithash udhëtarët që do të nisen nga Veneto.

Por nga ana tjetër italianët që nisen nga ishujt e mrekullueshëm kombëtarë, Sicilia dhe Sardenja, ku po shkojnë në gusht?

Ata zgjedhin mbi të gjitha qytetet historike të artit, një trend që i bashkon me udhëtarët e huaj. Nga Sardenja nisemi mbi të gjitha për në Milano, Romë dhe Napoli. Nga Siçilia tre destinacionet e para janë Roma, Malta dhe Milano.

Pothuajse gjysma, 46% e italianëve me pushime në gusht, do të udhëtojnë për një periudhë nga 7 deri në 13 ditë, 18% do të bëjnë një pushim 5/6 ditësh, ndërsa 11% do të shkëputen për një periudhë më të gjatë, nga 14 në 20 ditë.

Vizitorët nga jashtë për muajin gusht ishin kryesisht francezë (22%), të ndjekur nga gjermanët (18%) dhe në fund spanjollët (18%).

Turistët e ardhur nga Europa, gjatë gjithë sezonit veror kanë favorizuar qytetet e artit mbi destinacionet e tjera. Për më tepër, 4 nga 10 turistë të huaj do të qëndrojnë në Itali në javët në vijim për një periudhë nga 7 deri në 13 ditë, ndërsa vetëm 5% do të vizitojnë vendin e bukur me një qëndrim shumë të shkurtër prej dy ditësh.

 

 

Pas