Ende pa nisur sfida Shqipëri-Poloni, tifozët polakë në stadium kanë nisur problemet e para.
Ata janë konfrontuar me tifozët kuqezi duke thyer stola dhe duke i hedhur në drejtim të tyre.
Momenti i tensionuar zgjati për disa minuta, pasi tifozët shqiptarë ia kthyen stolat pas. U desh ndërhyrja e forcave të rendit për të qetësuar situatën.
Ndërkohë edhe në nisje të ndeshjes arbitri spanjoll José María Sánchez u desh ta ndërpriste duelin për më shumë se tre minuta pasi tifozat kuqezi hodhën flakadanë në fushë. Më pas gjithçka vijoi normalisht.
Në ndarjen mes dy tifozërive qëndron një kordon i gjatë policor për të mos lejuar përplasjen mes tyre.
