Pas pak orësh do të nisë ndeshja e shumëpritur Shqipëri-Poloni në stadiumin “Air Albania”.
Kjo ndeshje është vendimtare për kualifikimin në Euro 2024.
Tranjeri Sylvinho mund të ruajë formacionin e përdorur në lojën me Çekinë. Berisha mendohet të jetë sërish në portë. Në mbrojtje priten Hysaj, Ismajli, Gjimshiti dhe Mitaj, por në vend të këtij të fundit mund të jetë edhe Balliu.
Në mesfushë parashikohet një grup lojtarësh nga ekipet e Serie A, Ramadani, Asllani dhe Bajrami. Sulmi mendohet të ketë Cikalleshin në majë i ndihmuar nga krahët nga Asani dhe Seferi, por mund të shikojmë edhe Uzunin nga minuta e parë.
Sipas Drejtorit të Departamentit të Komunikimit në FSHF, Andi Verçani, bëhet me dije se janë shitur me saktësi. 21.900 bileta, çka do të thotë se stadiumi do të jetë i mbushur plot me tifozë, nga të cilët 1200 tifozë polakë të akomoduar në sektorin e miqve si gjithmonë.
Ai njofton se do të jenë 400 stjuardë të angazhuar dhe 2000 forca policie që janë gjatë gjithë kohës për mbarëvajtjen e sekusesshme të ndeshjes para, gjatë dhe pas ndeshjes në mënyrë që gjithçka të shkojë me sukses.
Në ndeshjen e sotme do të jenë të pranishëm shumë grupe nga të gjitha trevat shqiptare, ka nga Kosova shumë, ka nga Maqedonia e Veriut, ka nga lugina e Preshevës, ka nga Mali i Zi, për të mbështetur ekipin kombëtar drejt objektivit të madh Gjermani 2024..
