15 minutat e fundit të ndeshjes mes Shqipërisë dhe Maqedonisë, do të luhen në orën 14:00 të ditës së martë në stadiumin “Loro Boriçi”, të Shkodrës.
Moti i keq ndërpreu në minutën e 75 ndeshjen, e vlefshme për kualifikueset e botërorit rus. Pasi janë marrë në konsideratë të gjitha pretendimet e kombëtares shqiptare dhe asaj maqedonase zyrtarët e UEFA-s kanë vendosur që minutat e ndeshjes të riluhen në mesditën e së martës në orën 14:00.
Armando Sadiku arriti ta kalojë shumë shpejt Kombëtaren në avantazh. Sulmuesi i Zyrih mori një pasim nga Elseid Hysaj, duke shënuar pasi shmangu të gjithë mbrojtësit rivalë.
Pjesa e dytë nisi me presionin në zonën shqiptare. Barazimi erdhi në minutën e 51’ nga një lojtar me prejardhje shqiptare. Ezgjan Alioski shfrytëzoi një gabim të mbrojtjes dhe realizoi golin e barazimit./ Tv Klan
