Kuqezinjtë kanë shënuar golin e dytë ndaj Lihtenshtejn në “Elbasan Arena”. Në minutën e 77 Ansi Agolli ka dyfishuar rezultatin.
Më herët ka qenë Odise Roshi i cili ka tundur rrjetën e kundërshtarit në minutën e 54.
Po luhet pjesa e dytë mes Shqipërisë dhe Lihtenshtejnit në Elbasan Arena, e vlefshme për eliminatoret e botërorit “Rusi 2018”.
Pjesa e parë 0-0
Ka përfunduar pa rrjeta të prekura pjesa e parë e ndeshjes mes Shqipërisë dhe Lihtenshtejnit në Elbasan Arena, e vlefshme për eliminatoret e botërorit “Rusi 2018”.
Loja ka nisur vrullshëm për kuqezinjtë duke kërkuar golin që në minutatat e para të lojës, por pa arritur të shënojnë.
Që në minutën e gjashtë Llullaku jep topin për Memushajn, i cili nuk arrin të gjuajë në portë. Aksioni vazhdon me Roshin i cili jep një pasim për Llullakun, i cili gjuan në rrjetën e jashtme.
Dy minuta më von mesfushori Basha provon me të djathtën por topi kalon ngjitur me shtyllën në të djathtë të portierit Jehle.
Në minutën e 16-të Memushaj provon të gjejë direkt portën nga goditja e dënimit, por edhe këtë herë pa sukses.
Rastin më të artë e ka pasur Llullaku në minutën e 38, e cili merr bukur topin me gjoks në pozicion ballor dhe pastaj provon portën me një kthesë, por topi kalon mbi tranversë.
Formacioni për dy skuadrat
Shqipëria: Berisha, Hysaj, Ajeti, Mavraj, Agolli Memushaj, Abrashi, Basha, Roshi, Grezda, Llullaku
Lihtenshtejni: Jehle, Malin, Kaufman, Gopel, Kuintans, Byshel, Viser, Burgmaier, Hasler, Selanoviç, Frik.
