Ka përfunduar me rezultatin, 0 me 0 pjesa e parë në “Air Albania”, mes Shqipërisë dhe përfaqësueses së Ishujve Faroe, sfidë kjo e vlefshme për ndeshjen e fundit të fazës kualifikuese të Kampionatit Evropian të futbollit, Euro 2024.
Në pjesën e parë u zhvillua një lojë e kujdesshme, por shumë e fortë fizikisht nga të dyja skuadrat, me teksa ka patur dhe një karton të verdhë për një prej lojtarëve të Ishujve Faroe, për një takë të ngritur ndaj Keidi Bare.
Rasti i parë i rrezikshëm në portën kundërshtare ishte goditja e Nedim Bajrami, i cili në minutën e 36’-të tentoi nga rreth 22 metra portën e Bardur Reynatrod, me këtë të fundit, që grushton me forcë topin, duke mos lejuar “shqiponjat” tona të marrin avantazhin,
Ndërkaq, në fundin e pjesës së parë patëm edhe dy raste të tjera për shënim, ku fillimisht “bomberi” beratas, Myrto Uzuni, i cili godet me forcë nga brenda zonës portën kundërshtare, por sërish “gardiani” 23-vjeçar është i vëmendshëm, duke mos lejuar topin të shkojë në rrjetë, ndërsa rasti i fundit flagrant ishte ai i Mirlind Dakut, i cili pasi merr një pasim të bukur nga mesfusha nuk arrin të çojë topin pas shpatullave të kundërshtarit.
