Kur kanë mbetur edhe pak orë nga nisja e ndeshjes miqësore Shqipëri-Gjeorgji që do të luhet në stadiumin “Qemal Stafa”, Policia e Tiranës ka publikuar një listë me rrugët nga nuk duhet të kaloni, për shkak të masave të marra. Në orën 17.30 Bulevardi “Dëshmorët e Kombit” do të bllokohet.
Po kështu nuk do të lejohet parkimi në sheshin “Italia”. Por cilat segmentet e tjera rrugore që do të kenë kufizim të trafikut?
Ato do të jenë Bulevardi “Dëshmorët e Kombit”, Rruga “Lekë Dukagjini”, Rruga “Faik Konica”, Rruga “Themistokli Gërmenji”, Rruga “Skerdilajd Llagami”, Rruga “Dervish Hima”, Rruga “Papa Gjon Pali II”. Po kështu nuk do të lejohet parkimi në “Sheraton”, ndërkohë që rrugët do të jenë të bllokuara deri në përfundim të ndeshjes që përkon me orën 22.00.
