Në emisionin “Opinion” mbrëmjen e sotme po diskutohet tema lidhur me një ligj që ka të bëjë me dënimin e personave që mund të kenë një bashkëjetesë në të njëjtën kohë që janë të martuar zyrtarisht me një person tjetër.
E ftuar ka qenë edhe poetja Helena Halilaj e cila shprehet se një fenomen shqetësues eshtë fenomeni i emigrimit pasi ka shumë djem shqiptarë të cilët janë të martuar jashtë për dokumenta dhe gjithashtu në Shqipëri kanë një martesë tjetër.
Helena Halilaj: Ne duhet të punojmë me edukimin e brezave që t’i çojmë drejt martesave. Deri më tani ka pasur martesa të cilat janë bazuar në marrëdhëniet e interesit, të ndërhyrjeve fisnore, të vetmisë, ndonjëherë të martesave të shpejta. Një fenomen shqetësues eshtë fenomeni i emigrimin pasi ka shumë djem që kanë emigruar në vendet e zhvilluara dhe kryesisht në Angli kanë bërë martesa për dokumenta dhe njëkohësisht kanë pasur martesa edhe në Shqipëri të cilat nuk kanë qenë të themi martesa zyrtare, dhe janë dy martesa të cilat…
Edlira Çepani: Këtë rregullon ky ligj.
Gjithashtu gjatë fjalës së saj Halilaj shprehet se të gjithë problemet në martesa vijnë nga mëarrëdhëniet e interesit dhe ajo çfarë është shqetësuese është bashkëdakordësia mes çiftit.
Helena Halilaj: Ajo çfarë është shqetësuese është bashkëdakordësia, dhe gruaja në shumë raste për arsye të interesave është bashkëdakordësuar me burrin e vet sepse të marrësh dokumentat në një shtet europian ne e dimë shumë mirë që duhet të bashkëjetosh normalisht me dikë dhe të depozitosh që ti me këtë person ke një jetesë të rregullt që ti të përfitosh dokumentat dhe njëkohësisht ky djali ka një grua në Shqipëri dhe ka një martesë për dokumenta. Gjithë problemet vijnë nga marrëdhëniet e interesit.
