Kronikë

Shqetësuan fqinjët/Shqiptarët rrahin policët grekë, në pranga babë e bir



Bëhu pjesë e Grupit Zyrtar të Opinion.al
>> KËTU <<
               Publikuar në : 18:16 - 15/07/22 |
Opi Nion

Dy shqiptarë, babë e bir janë arrestuar nga policia greke pasi kanë dhunuar efektivët e policisë dhe kanë shkaktuar dëme materiale në makinën e patrullës.

Ngjarja ka ndodhur mbrëmjen e 14 korrikut ,në zonën e Menemenit, në Selanik.

Sipas mediave greke, dy shqiptarët kishin prishur qetësinë e banorëve të zonës ku banonin nga festa me muzikë të lartë që kishin organizuar. Fqinjët të bezdisur nga situata kanë njoftuar policinë.

Në momentin që policia greke ka shkuar në vendngjarje pas njoftimit të fqinjëve, ka hasur në rezistencën e shqiptarëve të cilët nuk e kanë mirëpritur ardhjen e tyre. Në këtë mënyrë, shtetasit shqiptarë kanë sulmuar policët dhe kanë dëmtuar makinën e patrullës.

Nga përplasja me shqiptarët, sipas raportimeve të mediave vendase, efektivët e policisë janë plagosur lehtë dhe kanë shkuar në spital për të marrë ndihmën e parë, ndërkohë në vendngjarje kanë shkuar forca të tjera policie për të arrestuar autorët dhe për të zbardhur të plotë ngjarjen.

Në lidhje me ngjarjen ka reaguar dhe kryetari i Sindikatës së Oficierëve të Policisë së Selanikut, Theodoros Tsairidis.

Nëpërmjet një postimi në rrjetet sociale ai thotë se në një vend ku mosndëshkimi është i shfrenuar, gjithçka pritet.

“Në një vend ku mosndëshkimi është i shfrenuar, tashmë gjithçka pritet. Urime forcave të policisë të cilat kanë shkuar menjëherë në ndihmë të kolegëve të tyre dhe kanë arrestuar autorët. Shërim të shpejt kolegëve tanë të lënduar. Për sa kohë që policia arreston autorët dhe të nesërmen ata ecin të lirë (me përgjegjësinë e vetme të të gjithë atyre që votojnë për dënime gjoja më të rrepta, duke lënë dritare të hapura të mosndëshkimit) dhe për sa kohë që elementët kriminalë që çohen në burgje janë i zhvilluar në vend që të burgoset, krimi do të jetë në të kuqe në mënyrë të përhershme”,-thotë Tsairidis në postimin e tij.

Ndërkohë autorët babë e bir, të komunitetit rom, përkatësisht 40-vjeç dhe 21-vjeç priten të dalin sot para togave të zeza për t’u njoftuar me dënimin.

Pas