Duket se ‘shpresa e fundit’ për Michael Schumacher do të jetë SHBA.
Familjarët e tij janë përpjekur që ta mbajnë sa më të fshehtë gjendjen e legjendës së F1, e megjithatë mediat ndërkombëtare kanë mësuar se ai do të zhvendoset drejt SHBA për një mjekim më të specializuar. Revista gjermane “Bravo” shkruan se gjendja e Schumacher është e “dobët” dhe të afërmit po përgatiten për një lëvizje në Dallas, Teksas ku është një klinikë që është e specializuar për rastet si 48-vjeçarit, nisur dhe nga deklarata especialistit Dr Mark Meeks.
“Ne kemi një përvojë të gjerë me pacientët më traumë në tru. Ndoshta në Europë nuk ekziston asnjë klinikë që ka trajtuar aq shumë raste të tilla sa ne”, është shprehur Meeks.
Schumacher ishte me pushime me miqtë dhe familjarët e tij në Alpet Franceze, ku dhe u rrëzua teksa po bënte ski më 29 dhjetor 2013. Ai u transportua menjëherë në spital dhe iu nënshtrua 2 operacioneve për shpëtimin e jetës, por ai mbeti në koma. Lajmi më i fundit zyrtat daton në prill të 2014 me deklaratën e familjes së tij sipas të cilëve ish-kampioni i F1 kishte treguar ‘momente të vetëdijes dhe zgjimit’.
Deri atëherë nuk dihet më asgjë për gjendjen e tij, të paktën zyrtarisht.
