Adresimi i problemit të shpopullimit është emergjencë kombëtare sipas presidentit Ilir Meta.
Në një postim në Facebook ai i referohet një shkrimi të gazetës franceze “Le Monde” që sipas kreut të shtetit tregoj se situata në Shqipëri është më dëshpëruese se në vitet ’90
“Ritmet shqetësuese të shpopullimit të Shqipërisë edhe sipas prestigjiozes “Le Monde” tregojnë se situata në vend është më dëshpëruese se në vitet ’90. Adresimi i menjëhershëm i këtij fenomeni është emergjencë kombëtare, dhe çdo neglizhencë e mëtejshme do të kishte pasoja katastrofike.”, shkruan Meta.
Ai i bën thirrje shqiptarëve të marrin në dorë fatet e tyre si e vetmja mënyrë për të rikthyer shpresën.
“Koha për të rikthyer shpresën tek shqiptarët është tani! Rruga që duhet ndjekur është e qartë: Shqiptarët duhet të marrin në dorë fatet e tyre! Çdo pritshmëri tjetër është NAIVITET, ILUZION dhe TRADHTI!”, përfundon presidenti Meta. /Opinion.al
