Gjykata e Posaçme kundër Korrupsionit dhe Krimit të Organizuar ka vendosur që të pranojë kërkesën e SPAK duke pushuar çështjen ndaj tre gjyqtarëve që shpëtuan Dritan Dajtin nga burgimi i përjetshëm.
Skënder Damini, Petrit Aliaj dhe Aleks Nikollë, ishin të dyshuar nga prokuroria për korrupsion e shpërdorim detyre. GJKKO vendosi pushimin e çështjes me argumentin se nuk gjenden elementë të veprës penale.
Dritan Dajti, u dënua me burgim të përjetshëm nga Gjykata e Shkallës së Parë me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009. Por tre gjyqtarët, i pranuan gjykimin e shkurtuar dhe si rrjedhojë dënimi u ul në 25 vite burg./ Opinion.al
