Në ditën Botërore të Talasemisë, Presidenti Ilir Meta së bahsku me stafin e tij kanë dhuruar gjak. Në këtë ditë presidenti Meta u bëri thirrje të gjithëve të dhurojnë gjak dhe të shpëtojnë një jetë.
Në fjalën e tij Meta u shpreh:
“Të dhurojmë gjak, si akt humanizmi e solidariteti për personat që kanë më shumë nevojë për të. Të gjithë së bashku të mposhtim indiferencën dhe të ndërtojmë solidaritetin për të dhuruar gjak për ata që kanë nevojë. Shoqëria jonë ka nevojë të nxisë veçanërisht vullnetarizmin në dhurimin e gjakut. Të motivojmë dhe inkurajojmë të gjithë qytetarët dhe veçanërisht të rinjtë për dhurimin e gjakut. Të bëhen përpjekje të vazhdueshme për përmirësimin e trajtimit të pacientëve me talasemi. Shoqëria më pranë fëmijëve me talasemi”.
Në këtë ditë Meta i ka akorduar shoqatës së Talasemikëve Shqiptarë titullin “Për merita të veçanta civile”.
