TIRANË- Deputetet demokrate kanë dalë në mbështetje të 10 vjeçarit që vuan nga ciroza hepatike. Albina Deda dhe Arbiola Halimi thane se do te mbajne edhe nje fjale ne Parlament per te ngritur shqetesimin e familjareve per djalin e semure. Albina Deda tha se Kristit i është refuzuar transplani nga spitalet turke, ndërsa Ministria e Shëndetësisë është shumë apatike.
Opinion.al botoi pak ditë më parë apelin e prindërve për shpëtimin e 10 vjeçarit dhe sot e risjellin të plotë.
***
Kristi Maze 10 vjeçari nga Pogradeci është në gjendje shumë kritike për jetën. Ai vuan nga “Cirroze Hepatike”, pasojë e okluzionit të venave suprahepatike, njohur ndryshe si sindromi Budd-Chiari. Nëna e tij, Valbona Maze flet për Opinion.al dhe natyrisht kërkon ndihmë nga instancat shtetërore, që të shpëtojnë jetën e djalit të saj. Kristit i duhet bërë një transplant mëlçie, që kushton 100-250 mijë euro( varet nga vendi ku do kryhet transplanti), të ardhura të cilët prindërit e tij nuk i kanë. Familjarët kanë hapur një numër llogarie në bankë dhe ata që kanë mundësi ti ndihmojmë, le ta bëjnë këtë gjë për të shpëtuar një jetë…
Znj. Valbona si nisën problemet e Kristit?
Para një viti ai ishte mirë, në shtator kaloi një të ftohtë dhe ne çuam në spital në Pogradec aty ku jetojmë.
Nuk e kuptuan çfarë kishte?
Ata thonin vetëm se ishte me të ftohtë. E nxorrëm nga spitali dhe shkuam në shtëpi, sikur u bë më mirë. Dilte luante më shokët, shkonte në shkollë rutina e tij e zakonshme. Një natë më tha më dhëmb barku dhe të nesërmen e çova spital. Mjekët e Pogradecit më sugjeruan ta sillja në Tiranë. Kur erdhëm këtu ai ra në gjendje kome dhe e mbajtëm për dy javë në reaminacion.
Si ishte gjendja tij, kur doli nga koma?
Shumë keq nuk reagonte, kishte shumë dhimbje.
Nga se shkaktohet kjo sëmundje çfarë thonë mjekët?
Është trompozë në mëlçi, mpiksje gjaku dhe ajo jep fryrje dhe ujë.
Sa kohë keni në Pavionin e Pediatrisë?
Kemi tre muaj që jemi këtu, por gjatë kësaj kohe e kemi çuar edhe në Greqi. Atje u kurua pak ditë, por mjekët sugjeruan një transplant që kushton shumë shtrenjtë dhe që ne nuk e përballojmë dot.
Po çfarë thonë mjekët, si është shëndeti i tij përmirësohet, përkeqësohet. Çfarë ndodh me të?
Sa vete dhe përkeqësohet, ka shumë dhimbje dhe sidomos në darkë.
Në momentin që ky ujë i del nga Kristi bëhet më mirë?
Kohë më parë kur ia hiqnim ujin nga mëlçia, ishte pak më mirë madje edhe dilte luante pak me shokët, tani është shumë keq sa vete dhe përkeqësohet.
Po ju me çfarë merreni, keni fëmijë të tjerë?
Kam edhe një vajzë më të vogël se Kristi. Burri im punon në Greqi, por vete e vjen sepse me pasaportën 3 mujore nuk mund të bësh punë stabël. Edhe ato që fiton I lemë lart e poshtë rrugëve dhe nëpër spitale.
Është ofruar dikush për t’iu ndihmuar?
Deri tani asgjë, ndërsa nga Ministria e Shëndetësisë na thanë që nuk kanë ç’të bëjnë, nuk merremi me ju, ndërkohë që operacioni duhet të bëhet sa më shpejt.
Në rast se ky transplant nuk bëhet çfarë thonë mjekët, çfarë do të ndodhë me Kristin?
Në rast se nuk bëhet…
