Oficerët e Autoritetit Qendror Portual të Mytilinit kanë shpëtuar 46 emigrantë të cilët rrezikonin mbytjen në ishullin grek Lesvos.
Mediat greke shkruajnë se në kuadër të një patrullimi të planifikuar, mjeti patrullues L.S.-EL.AKT. , ka lokalizuar një varkë me motor në zonën detare Agrielia të Lesvos, me 46 të huaj në bord, ndërsa mjeti lundrues ka pasur një prurje uji e si pasojë pasagjerët po fundoseshin në det.
Gjatë shpëtimit të 46 emigrantëve, zyrtarët njoftuan se mes pasagjerëve ishte edhe një grua e zhdukur.
Më pas në vendngjarje kanë shkuar tre patrulla portuale, një helikopter i forcave Frontex, dy anije peshkimi dhe një gomone e E.O.D. duke nisur kërkimet për të gjetur gruan e zhdukur.
Dyzet e gjashtë të huajt janë transportuar në mënyrë të sigurtë në portin e Mytilene dhe më pas në zonën e karantinës ¨MAVROVOUNI¨.
Policia njofton se hetimet po vijojnë, ndërkohë që po kryhet një hetim paraprak nga Autoriteti Qendror Portual i Mitilinës për zbardhjen e ngjarjes./Opinion.al
