Mbrëmjen e djeshme, Policia e Himarës ka shpëtuar tre turistë, të cilët për shkak të terrenit të vështirë e kanë pasur të pamundur daljen e tyre nga Kanioni i Gjipesë.
Në njoftimin e policidsë mësohet se njëri prej tyre është dëmtuar duke u përpjekur të dalë nga Kanioni.
Pas 1 orë kërkimesh intensive, shërbimet e Policisë i kanë gjetur dhe me ndihmën e FNSH-së dhe forcave të zjarrfikëses, kanë bërë të mundur nxjerrjen nga kanioni të tre turistëve të moshave 21 vjeç, 18 vjeç dhe 15 vjeç, të cilët ndodhen në gjendje të mirë shëndetësore. Shtetasi që ka pasur lëndime në këmbë ka marrë ndihmën mjekësore në spital dhe ndodhet jashtë rrezikut për jetën.
