Aktualitet

Shpëtohen 2 vajzat e mitura shqiptare në Gjermani, babai: Vetëm kam qarë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:50 - 16/07/21 |
Opi Nion

Babai shqiptar, Shefik Hyseni, 46 vjeç, arriti të gjejë dy vajzat e tij, me të cilat kishte humbur kontaktet pas përmbytjeve në Gjermani.

Ai arriti të bashkohet me vajzat e tij, Lauretën dhe Altunën, të cilat i kishte shpëtuar një helikopter.

Gazeta gjermane “Bild” ka treguar historinë e Sheik Hysenit, 46 vjeç, i cili me orë të tëra nuk e dinte asgjë për fatin e vajzave të tij.

“Të mërkurën vajzat e mia më thirrën, më thanë se uji kishte arritur deri në katin e parë, vrapova për të shkuar në shtëpi, por kur mbërrita uji tashmë ishte kudo. Hera e fundit që fola me to ishte ora 21:00, më pas lidhja u shkëput”, ka thënë ai për gazetën gjermane, Bild.

 Krejt i dëshpëruar, ai tha se priti gjithë natën në një urë nga e cila mund të shihte shtëpinë e tij, por fatmirësisht, pasditen e djeshme atij iu dha lajmi se dy vajzat ishin shpëtuar me helikopter.

“Ne vetëm kemi qarë, kisha frikë për vajzat e mia, jam shumë i lumtur që u shpëtuan. Tani duhet të shohim se çarë ka mbetur nga shtëpia”, ka thënë ai.

 Të paktën 80 persona kanë humbur jetën dhe mbi 1300 të tjerë rezultojnë të zhdukur në Gjermani, si pasojë e situatës katastrofike që ka përfshirë vendin nga përmbytjet./Opinion.al

Pas