Në një lagje të Nigerisë u zbulua e ashtuquajtura “fabrika e fëmijëve”. Katër ndërtesa u bastisën në Lagos, prej nga ku u shpëtuan 19 gra shtatzëna dhe 4 fëmijë.
Autoritetet kanë thënë se fëmijët do të trafikoheshin dhe shiteshin nga 700 deri në 1 mijë paund, ndërsa shumica e vajzave mashtroheshin duke lënë shtëpinë e tyre në fshatra me premtimin se do të punonin si pastruese në Lagos.
Gratë e moshave nga 15 deri në 28 vjeç, pohuan se janë përdhunuar për të mbetur shtatzënë, ndërsa disa prej tyre kanë pranuar në bazë të pagesës.
Policia ka vënë në pranga dy persona që mendohet se kanë punuar si infermierë të pa trajnuar por pranon se nuk ka zbuluar ende organizatorët kyç.
Dyshimet e para nisën nga fqinjët, të cilët po shihnin gjithë e më shumë gra shtatzëna në rrugë./Opinion.al
