Kryetari i PDIU-së, Shpëtim Idrizi ka kritikuar qëndrimin e kryeministrit Rama dhe përfaqësuesit të opozitës, Paloka në lidhje me heshtjen e tyre pas tezave të përmendura në kongresin e PBDNJ-së.
Idrizi ka theksuar se Athina zyrtare na tregon se kush bëhet nënkryetar i Kuvendit të Shqipërisë dhe kryeministri shqiptar dëgjon arrogancën e paturpësinë e ndërhyrjes në punët e brendëshme të Shqipërisë prej qeverisë greke.
Ai ka bërë me dije se partitë shqiptare duhet ta kenë shumë të vështirë se me kë duhet të bëjnë koalicion, dilema është se: me Kishën Autoqefale Shqiptare, për Himarën, për banderolat në futboll e për çdo gjë që Athina zyrtare mendon se duhet t’i imponojë një vendi vassal.
“Ju e pushtuat Çamerinë një tokë shqiptare qysh kur është krijuar bota, vratë që në mars të 1913 72 krerë të Çamërisë në masakrën e Selanit, teksa i thërrisnit në takim. Nuk latë reformë agrare e ligj pa sajuar për t’ i marrë pronat e pasuritë, zhdukët shkollat shqipe e flamurin shqiptar, vodhët historinë e këngët e valet, i shpërngulët 35 përqind të popullsisë drejt Turqisë, i vratë e përzutë përfundimisht 90 përqind të popullsisë çame në 1944 e masakruat 20 përqind popullsisë”, shkruan Idirizi.
Deputeti i PDIU-së, Idrizi ka nënvizuar ndër të tjera, se nuk u ndalët as para fëmijve, grave e pleqve, me bashkëpunëtorin e nazizmit Zerva, me gjyshin e ministrit të jashtëm, Kotzias, me pasardhësit e Metaksasë e Ralisit që i keni në parlament e i keni bërë ministra e kryeministra.
Ja më poshtë shënimi i Shpëtim Idrizit:
Jam i zhgënjyer me “sehirxhinjtë” Rama e Paloka në kongresin e PBDNJ-së që kur janë me ne “qajnë” për Çështjen Çame e PDIU, por s’e kanë për gjë të dëgjojnë ARROGANCËN e paturpësinë e ndërhyrjes në punët e brendëshme të Shqipërisë prej qeverisë greke.
Athina zyrtare me arrogancën e atij që e ka xhepin plot me para borxh na tregon se kush bëhet nënkryetar i Kuvendit të Shqipërisë, me kë duhet të bëjnë koalicion partitë shqiptare, për Kishën Autoqefale Shqiptare, për Himarën, për banderolat në futboll e për çdo gjë që Athina zyrtare mendon se duhet t’ i imponojë një vendi vassal.
Athina zyrtare e dehur nga borxhet dhe ahengu i buzuqeve e ka të vështirë të kuptojë që Shqipëria nuk është ajo e 1911, 1912, 1913 e 1914, por e as e 1997.
Historia nuk fshihet me greqishten e re që s’ka lidhje me të vjetrën.
Ju e pushtuat Çamerinë një tokë shqiptare qysh kur është krijuar bota, vratë që në mars të 1913 72 krerë të Çamërisë në masakrën e Selanit, teksa i thërrisnit në takim. Nuk latë reformë agrare e ligj pa sajuar për t’ i marrë pronat e pasuritë, zhdukët shkollat shqipe e flamurin shqiptar, vodhët historinë e këngët e valet, i shpërngulët 35 përqind të popullsisë drejt Turqisë, i vratë e përzutë përfundimisht 90 përqind të popullsisë çame në 1944 e masakruat 20 përqind popullsisë. Nuk u ndalët as para fëmijve, grave e pleqve, me bashkëpunëtorin e nazizmit Zerva, me gjyshin e ministrit të jashtëm, Kotzias, me pasardhësit e Metaksasë e Ralisit që i keni në parlament e i keni bërë ministra e kryeministra.
Deputeti PDIU, Shpetim Idrizi, duke protestuar para godines se Ministrise se Jashtme, gjate nje takimi te Ministrit te Jashtem Ditmir Bushati, me Ministrin e Jashtem te Greqise, Nikos Kotzias, i cili ndodhet per nje vizite zyrtare ne Tirane./r/n/r/nLaëmaker, Shpetim Idrizi protesting before the building of the Ministry of Foreign Affairs, during a meeting of Foreign Minister Bushati, ëith Minister of Foreign Affairs of Greece, Nikos Kotzias, ëho is on an official visit in Tirana.
Nazistët i keni në parlamentin tuaj si Agimi i Artë.
Shtetit grek rrena i është kthyer në ves.
Pasi rrejti sa mundi, fallsifikoi e mashtroi Bashkimin Europian me bilancet e i vodhi me miliarda euro, mendon se do të vazhdojë të mashtrojë opinionin publik e të kompleksojë pasardhësit e partizanëve të Batalionit “Çamëria e Ali Demi”. Qeverisë greke, për shkat të këtij ambjenti me gjermanë, i mbetet që të tërheqë nga skena politike shqiptare PBDNJ, e cila edhe kështu po tretet përditë e është bërë kockë e lëkurë e kockat e Barron Portokallit nuk e ngjallin dot më.
