Dy ditë pasi u plagos rëndë nga shpërthimi i gazit në lokalin e tij në Velipojë, 55-vjeçari Besnik Zenuni ka ndërruar jetë në repartin e djegieve në QSUT.
Zenuni nuk mundi t’u shpëtojë plagëve pasi kishte djegie në masën 90 për qind të trupit.
Sëbashku me të në lokal u plagosën edhe tre persona të tjerë, njëri prej të cilëve i biri i tij, Hektori, me djegie në masën 70 për qind të trupit.
Hektori ka rrëfyer se çisterna e gazit kishte pasur probleme dhe babai kishte zbritur ta rregullonte. Në ato momente ajo ka shpërthyer.
“Kur dëgjova shpërthimin isha në banak dhe menjëherë zbrita të shikoj çfarë po ndodhte. Aty pashë babain të shtrirë dhe menjëherë e mora në krahë, për ta nxjerrë. Pas pak sekondash ndjeva një shpërthim tjetër që më shtyu përpara. Nga aty nuk mbaj mend më”.
