Besnik Zenunaj 55 vjeç është personi që ka mbetur i plagosur rëndë nga shpërthimi në një restorant në kompleksin “Fishta” në Velipojë. Ai u transportua me helikopter nga spitali i Shkdorës drejt spitalit të Djegie-Plastikës në QSUT. Mjekët e Shkodrës thanë se 55 vjeçari, pronar i lokalit ku ndodhu shpërthimi ka djegie të shumta në trup.
Sakaq të plagosur kanë mbetur dy persona të tjerë, punonjës të restorantit, Hektor Zenunaj 33 vjeç dhe 19-vjeçarja Saida Sadikaj. Mësohet se drejt Shkodrës është nisur edhe helikopteri i dytë sanitar për të sjellë drejt Tiranës edhe Hektor Zenunajn.
Paraprakisht thuhet se ngjarja e rëndë u shkaktua nga shpërthimi i një bombole gazi. Flakët në lokal u përhapën me shpejtësi dhe tymi gjithashtu rreziku të asfiksonte edhe banorët e pallatit të cilët arritën të dalin jashtë pa u dëmtuar. Të dhënat janë kontradiktore për të plagosurit. Administratori i Velipojës dhe drejtori i spitalit të Shkodrës thanë se janë 4 të plagosur, por në njoftimin zyrtar të policisë thuhet se janë 3 të plagosur.
Njoftimi i policisë
Në plazhin Velipojë te Kompleksi Fishta rreth orës 10:00 kemi marr njoftim se ka rënë zjarr në një lokal.
Nga informacionet paraprake informohemi se janë tre shtetas të lënduar, ndër to edhe pronari lokalit shtetasi B. Z. 55 vjeç në gjendje të rëndë për jetën i cili po dergohet drejt Spitalit të Traumës për ndihmë mjeksore më të specializuar.
Si dhe shtetasi H. Z. dhe shtetesja S. S. 19 vjeçe, të cilët po dergohen për në Spitalin Rajonal Shkodër janë jashtë rreziku për jetën.
Menjëherë në vendgjarje kanë shkuar forcat e FNSH, MNZ dhe shërbimet e policisë, dhe emergjencat civile, të bejnë të mundur edhe evakuimin e banorëve.
/Opinion.al
