Dy prej të plagosurve të Velipojës kanë mbërritur aktualisht në repartin e Djegie- Plastikës në QSUT. Opinion.al ka mësuar se ata janë Besnik dhe Hektor Zenunaj babë e bir pronarë të lokalit ku ndodhi shpërthimi. Gjendja e pacientëve paraqitet e rëndë me djegie të shumta në trup dhe fytyrë, thanë mjekët. Gjithashtu pritet të transportohet me helikopter edhe i plagosuri i tretë, një vajzë 19 vjeçare e identifikuar si Saida Sadikaj.
Sakaq në spitalin e Shkodrës gjenden edhe një i plagosur tjetër në gjendje më të mirë. Po kështu për ndihmë mjekësore është paraqitur në Shkodër edhe një inferiere e Velipojës e asfiksuar gjatë kohës që u jepte ndihmën e shpejtë pacientëve.
Pra aktualisht flitet për 4 të plagosur, ndryshe nga cfare u raportua në minutat e para të ngjarjes për 20 të plagosur.
Sot rreth orës 10:00 në katin e parë të një prej pallateve të kompleksit “Fishta” në Velipoje ka shperthyer një bombol gazi. Flakët u përhapën me shpejtësi në lokalin që njihet me emrin “ish-kavaliero”. /Opinion.al
