Policia ka dhënë detajet lidhur me shpërthimin që ndodhi pasditen e sotme në një lokal brenda një karburanti në zonën e Vaqarrit.
Si pasojë e shpërthimit kanë mbetur të dëmtuar 5 persona, ku dy prej tyre ndodhen në gjendje të rëndë shëndetësore.
Shkaku ka qenë një reaksion kimik që ka ndodhur gjatë furnizimit të kësaj pike karburanti dhe më pas një shkëndijë elektrike ka shkaktuar shpërthimin.
“Nga hetimet paraprake rezulton se gjatë furnizimit të pikës së karburantit me benzinë ka ndodhur një reaksion kimik duke kthyer lendën djegëse të benzinës, nga të lëngët në të gaztë”, tha policia.
Si pasojë e një shkëndie elektrike në ambientet e lokalit është shkaktuar ndezja e lëndës dhe më pas shpërthimi. Lokali ndodhej brenda pikës së karburantit.
Të plagosur kanë mbetur:
– E. L., 24 vjeç
– N. H., 23 vjeç
– A. L., 53 vjeç
– L. D., 48 vjeç
– M. M., 38 vjeç
Grupi hetimor në vendin e ngjarjes po punon për sqarimin e plotë të rrethanave të kësaj ngjarje.
