Një dëshmitar okular ka rrëfyer se shpërthimi tek Rruga e Elbasanit ka qenë tejet i fuqishëm. Ai thotë se djali i ri që punonte në servisin e celularëve ka humbur gishtat. I plagosuri është Gentian Hoxha 34 vjeç i cili u transportua në spitalin e Traumës.
“I dëmtuari kishte humbur gishtat e duarve. Ndihmën e parë ia dhanë 2 persona që e panë rastësisht shpërthimin. E nxorën menjëherë jashtë se brenda pati shumë tym. I plagosuri ishte nxirë i gjithi nga pluhuri. Shpërthimi ishte shumë i fuqishëm, u trondit gjithë vendi”,- ka thënë dëshmitari.
Në fillim u dyshua për tritol, por sipas Policisë së Tiranës, ngjarja në dyqanin e celularëve është aksidentale.
“Gentian Hoxha 34 vjeç ishte duke punuar dhe ne pune e siper ka ndodhur nje shperthim nga lende ende e papercaktuar. Ai shte duke punuar në dyqanin e tij dhe derën e jashtme e kishte të mbyllur dhe shpërthimi ka ndodhur ne tavolinen e punes”, tha policia.
Në foto vendi i ngjarjes dhe i plagosuri
