Autoritetet amerikane në qytetin e Nashville dyshojnë se shpërthimi që ndodhi mëngjesin e Krishtlindjeve ishte një veprim i qëllimshëm dhe për këtë arsye janë duke hetuar edhe pistën e terrorizmit.
Ngjarja u regjistrua rreth orës 06:30 të mëngjesit dhe si pasojë 3 persona mbetën të lënduar, por jashtë rrezikut për jetën. Zëdhënësi i policisë së qytetit tha se nga shpërthimi u thyen xhama dhe u dëmtuan ndërtesa.
Paraprakisht mendohet se shpërthimi ka ndodhur në një rulotë të parkuar. Zona ku ndodhi shpërthimi është e mbushur me bare, restorante, dyqane të vogla dhe njihet si zemra turistike e qytetit./Opinion.al
