Policia e Sarandës ka dhënë informacione për shpërthimin e ndodhur ditën e sotme në një karburant në hyrje të Ksamilit.
Sipas policisë një person ka mbetur i lënduar teksa zjarri është neutralizuar nga zjarrfikësit që kanë ndërhyrë menjëherë.
Shpërthimi ndodhi rreth orës 11:26, në Ksamil në një pikë karburanti. Dyshohet se shpërthimi ka ndodhur nga pakujdesia, ku si pasojë është dëmtuar lehtë shtetasi F. I., 28 vjeç, i cili po kryente disa punime ne karburant dhe ndodhet jashtë rrezikut për jetën.
Forcat zjarrfikëse dhe shërbimet e policisë ndodhen në vendngjarje dhe është bërë e mundur neutralizimi i menjehershëm i zjarrit. Grupi hetimor po punon për sqarimin e plotë të rrethanave të ngjarjes./Opinion.al
