Një shpërthim i fuqishëm tronditi mbrëmjen e sotme qytetin e Elbasanit. Në fillim u raportua për tritol pasi zhurma u dëgjua në një pjesë të mirë të qytetit, por policia e shtetit nxitoi të informojë median se bëhet fjalë për fishekzjarre dhe jo për tritol. Gjithsesi të shumtë janë qytetarët që shprehen dyshues pasi shpërthimi ka qenë shumë i fuqishëm dhe dyshojnë se ka qenë lëndë plasëse. Ngjarja ka ndodhur rreth orës 20.00 në vendin e quajtur “Spaikorre” në një rrugicë në lagjen “11 Nëntori”.
Kujtojmë se dy ditë më parë në qytetin e Elbasanit iu bë atentat fisit Capaj dhe autorët dogjën makinën e tyre. Po kështu, nesër (e hënë) është lajmëruar se qytetin e Elbasanit do ta vizitojë ministri i Brendshëm Fatmir Xhafaj. Burimet tjanë se Xhafaj do të prezantojë strukturën e re të policisë në Elbasan. Ky mbetet ndër qytetet me kriminalitet të lartë dhe përplasje të forta mes fiseve në konflikt dhe trafikantëve. Kujtojmë se në shtator, përpara tregut ushqimor u sulmua zv/drejtori i policisë. /Opinion.al
