Bota

Shpërthimi në Bejrut/Cilat janë vendet e njohura ku ruhet nitrati i amonit


Bëhu pjesë e Grupit Zyrtar të Opinion.al
>> KËTU <<
               Publikuar në : 15:56 - 11/08/20 |
Al Do

Pas shkatërrimit të shkaktuar nga nitrati i amonit në shpërthimin në portin e Bejrutit, ekzistojnë shqetësime në mbarë botën për magazinimin e tij.

Kimikati përdoret gjerësisht në të gjithë botën, si pleh ose për eksploziv në miniera.

Por ekzistojnë rregulla të rrepta se ku mund të mbahet dhe për sa kohë dhe vendndodhja e tij shpesh mbahet sekret për shkak të potencialit të tij për të krijuar bomba.

Indi

Gati 740 ton ruheshin në 37 kontejnerë 700 metra nga një zonë banimi rreth 20 km jashtë Chennai, një nga qytetet kryesore të Indisë, për pesë vjet, ndërsa autoritetet në shtetin jugor të Tamil Nadu luftuan një betejë ligjore kundër një kompanie që e kishte importuar atë nga Koreja e Jugut, në vitin 2015, duke pretenduar se ishte për qëllime bujqësore.

Dërgesës iu refuzua zhdoganimi dhe hetimi zbuloi se kompania kishte fituar substancën nën një licencë të pavlefshme, duke e shitur atë tek “individë privatë të paidentifikuar” dhe kompani të përfshira më parë në miniera

Një sasi e vogël u hodh pasi u dëmtua nga përmbytjet në vitin 2015 dhe 697 tonët e mbetur tani janë nxjerrë në ankand dhe janë transportuar në shtetin fqinj të Telangana

Jemen

Prokurori i përgjithshëm në Jemen ka urdhëruar një hetim pas raportimeve në media ku është pretenduar se më shumë se 100 kontejnerë me nitrat amoniumi janë duke u mbajtur në portin jugor të Adenit.

Ata thonë se kimikati u importua tre vjet më parë dhe u sekuestrua nga forcat Saudite që mbështesin qeverinë e njohur nga Kombet e Bashkuara.

Guvernatori i Adenit Tariq Salam tha: “Forcat e vendosura në këtë port janë përgjegjëse për ruajtjen e kësaj ngarkese të rrezikshme, e cila vlerësohet të përfshijë 4,900 ton nitrat amoniumi të depozituar në 130 kontejnerë”

Por Korporata qeveritare e Porteve të Gjirit të Adenit në Jemen tha që kontejnerët në të vërtetë po përdoren për të ruajtur “ure organike, të përdorura si plehra bujqësorë”.

Irak

Qeveria e Irakut ka urdhëruar një rishikim të menjëhershëm të materialeve të rrezikshme në porte dhe aeroporte dhe ka gjetur se nitrat amoniumi ishte ruajtur në aeroportin ndërkombëtar në Bagdad.

“Drejtoria e Inxhinierisë Ushtarake të Ministrisë së Mbrojtjes së Irakut … transportoi materiale shumë të rrezikshme nga seksioni i ngarkesave ajrore në aeroportin e Bagdadit … në destinacionin e tyre, depot e Drejtorisë së Inxhinierisë Ushtarake,” shkroi një zyrtar ushtarak në Twitter në 9 gusht .

Australi

Edhe para shpërthimit në Beirut, njerëzit në Newcastle, New South Wales, po kërkonin që një rezervë e madhe e nitratit të amonit në një depo 3 km larg qendrës së qytetit të zhvendosej ose zvogëlohej.

Por Orica, një kompani që furnizon me lëndë eksplozive industrinë e minierave, tha se ajo po ruhej në mënyrë të sigurt në zonat që ishin “rezistente ndaj zjarrit dhe ndërtoheshin ekskluzivisht nga materiale jo të ndezshme”.

Rojtari i sigurisë në vendin e punës në Australinë e Jugut, SafeWork SA, tha që nitrati i amoniumit po ruhej në 170 site të rregulluara dhe monitoruar shumë në të gjithë rajonin.

Portet në Mbretërinë e Bashkuar

Një hetim është nisur për ruajtjen e nitratit të amonit në një port të madh në Lincolnshire, Immingham, si dhe në vendet e tjera në rajonin e Humber.

Associated British Ports (ABP), e cila drejton vendet, tha se portet në Mbretërinë e Bashkuar duhej të ndiqnin rregulla të rrepta dhe të siguroheshin që substanca të ruhej dhe trajtohej në mënyrë të sigurt

Ndërkohë, një kompani me qendër në portin e Portsmouth, Portico, ka tërhequr një kërkesë për të ruajtur nitrat amoniumi dhe tha se substanca nuk do të kalonte.

Edhe pse njoftimi erdhi menjëherë pas shpërthimit të Bejrutit, kompania tha që ajo ishte vetëm për arsye biznesi./ Opinion.al

Pas