Sipërmarrësi Leonard Gjini është lënë në burg nga Gjykata e Fierit, pasi akuzohet për veprën penale “Shkelja e rregullave të mbrojtjes në punë”, me pasoja të rënda.
Gjatë punës në një kapanon që po ndërtohej, në Lushnje, ndodhi një shpërthim i fuqishëm ku humbën jetë bab e bir dhe u plagosen 7 persona, mes tyre dhe deputeti i PS, Bujar Çela.
Shpërthimi ndodhi më 1 mars, kur një vinç ku ndodheshin dy viktima Roland dhe Elidon Hoxha, baba e bir, po ngrinte një bombol oksigjeni që do të përdorej në lartësi për të kryer saldime.
Babai ndërroi jetë në vendngjarje, ndërsa i biri 24-vjeçar humbi jetën teksa po transportohej me ambulancë në drejtim të Tiranës.
Kujtojmë se deputeti i PS, Bujar Çela është pronari i kapanonit në Lushnje.
