Një bombol gazi ka shpërthyer në një banesë në lagjen Nr.17 në Korçë. Si pasojë e ngjarjes është plagosur 40-vjeçari e Klodian Gjoka.
Shpresa Gjoka nëna e Klodian Gjokës ka treguar ngjarjen e ndodhur duke u shprehur se bombola e gazit që përdornin ishte e vjetër.
Shpresa ka thënë se në atë banesë nuk banonte njeri dhe se Klodjan Gjoka kishte shkuar të takonte familjen e tij pasi janë të sëmurë.
‘‘Ne ishim poshtë po flinim, kur dëgjoj zhurmë penxheret, fluturuan penxheret. Shikoj qelqurina poshtë dhe mendova se ishte tërmet. Kur dola jashtë pash xhama, dyer etj. Shyqyr zotit që nuk kishte njeri jashtë ose ndonjë fëmijë që luante.Vetëm djali ishte në banesë. Djalin e goditën qelqurinat. E çuan në spital këta komshinjtë. Më thanë që është në gjendje të mirë shëndetësore. Aty nuk jeton njeri, djali erdhi për të n’a parë ne të shkretët që jemi të sëmurë. Të gjitha penxheret 4 ose 5, janë thyer. Ndërsa bombola ishte nga bombolat e vjetra siç i kemi marrë, di unë si ishin ato flama. Shyqyr që shpëtoi djali.’’- tha ajo./Opinion.al
