Një raketë ruse goditi një zonë afër aeroportit në Lviv. Sulmi u regjistrua në orët e para të mëngjesit të së premtes, tha zyra e kryetarit të bashkisë për CNN.
Në një postim në faqen e tij në “Facebook”, kryebashkiaku Andriy Sadovyi tha se nuk ishte në gjendje të konfirmonte vendndodhjen e bombardimit, por tha se nuk ishte aeroporti.
“Raketat goditën zonën pranë aeroportit Lviv. Nuk mund të them vendndodhjen për momentin, por definitivisht nuk është aeroport. Dritaret e godinave të një kompanie të transportit automobilistik janë të dëmtuara. Situata në terren është duke u sqaruar dhe ne do të përditësojmë më vonë me detaje të reja”, tha Sadovyi.
Deri më tani nuk ka asnjë informacion për viktima.
Kryebashkiaku gjithashtu u kërkoi njerëzve që të mos shpërndanin foto të vendngjarjes që u sulmua./Opinion.al
