Disa persona janë lënduar nga një shpërthim që ndodhi paraditen e sotme në depon e fabrikës ushtarake “Krusik”, në Valevë të Serbisë.
Sipas informacioneve paraprake nga spitali i Valjevës, shtatë persona kanë mbetur të lënduar.
Mësohet se shpërthimi ka ndodhur në orën 07:30 dhe një prej të lënduarve ka pësuar prerje ndërsa të tjerë dëmtime në dëgjim.
“Këtë mëngjes rreth orës 7:40, gjatë aktiviteteve të rregullta të presimit të pentritit, amplifikatori i ndezjes në presën u aktivizua, duke shkaktuar që një punonjës të pësonte prerje dhe katër punonjës të kishin simptoma të zhurmës në vesh.
Punëtorët u dërguan në spitalin e Valjevës për ndihmë dhe kontrolle të dëgjimit”, njoftoi Krusik.
Ky është një tjetër rast në serinë e incidenteve në këtë fabrikë.
E para ka ndodhur më 3 gusht 2024, kur sipas një deklarate mësohet se tre persona kanë mbetur të lënduar lehtë gjatë punës në laborator.
