Policia gjermane ka evakuuar zonën e një salle të lojërave të fatit sepse u dëgjua një shpërthim, për të cilin menduan se ishte një bombë.
Shpërthimi u dëgjua nga tualeti i meshkujve, i cili erdhi përkatësisht nga shporta e mbeturinave.
Policia ka deklaruar se alarmi ishte i rremë, në shportën e mbeturinave është gjetur një lodër elektronike seksi e cila kishte shpërthyer, shkruan The Guardian.
Autoritetet kanë pastruar zonën, ku rreth 90 njerëz u larguan nga vendi. Gjithashtu rruga e qytetit lindor Halberstadt është mbyllur për shkak të sigurisë.
Stafi i sallës së lojërave të fatit thonë se dëgjuan një dridhje të çuditshme që vinte nga tualeti i meshkujve, mirëpo nuk e dinin se për çfarë bëhet fjalë.
Gjithashtu në vendin e ngjarjes kanë qenë edhe tre ekspertë të eksplozivëve të Zyrës së Hetimeve Kriminale. Ata thanë se ky objekt ishte thjeshtë një lodër seksi me bateri, e cila shpërtheu nga ndonjë prishje, prandaj edhe u gjet në shportë të mbeturinave./Express
