Të paktën 28 persona kanë vdekur dhe dhjetëra të tjerë mbeten të bllokuar nën tokë pas një shpërthimi në një minierë qymyri në provincën Bartin të Turqisë veriore. Rreth 110 persona ishin në minierë në kohën e shpërthimit të premten, pothuajse gjysma e tyre në mbi 300 metra thellësi.
Ministri i Shëndetësisë i Turqisë Fahrettin Koca tha se 11 persona ishin shpëtuar dhe po merrinin trajtim mjekësor. Ekuipazhet e urgjencës punuan gjatë natës, në përpjekje për të arritur më shumë të mbijetuar.
Pamjet video tregojnë minatorët që dalin të nxirë dhe me sy të zymtë të shoqëruar nga ekipet e kërkim-shpëtimit në objektin në Amasra, në bregun e Detit të Zi. Familja dhe miqtë e të zhdukurve shfaqen duke pritur me ankth lajmet për të dashurit e tyre.
“BEN BU ACIYA DAYANAMAM”
Bartın’da meydana gelen maden faciası sonrası babasının kurtarılmasını bekleyen gencin sözleri yürekleri dağladı.#Bartın #KazaDeğilCinayet #soma #patlama pic.twitter.com/xcUzdL5z4q— Jevo Derler? (@jevartedit) October 15, 2022
Shpërthimi besohet të ketë ndodhur në rreth 300 metra thellësi. Rreth 49 njerëz po punonin në zonën e “rrezikshme” midis 300 dhe 350 metra (985 deri në 1,150 këmbë) nën tokë, tha Ministri i Brendshëm Suleyman Soylu.
Ministri i Energjisë i Turqisë tha se kishte indikacione fillestare se shpërthimi ishte shkaktuar nga gazrat e ndezshëm. “Ne po përballemi me një situatë vërtet të dhimbshme”, tha ai.
Ka pasur shembje të pjesshme brenda minierës, tha ai, duke shtuar se nuk kishte zjarre të vazhdueshme dhe se ventilimi po funksiononte siç duhet.
