Të paktën dhjetë persona u plagosën pas një shpërthimi që ndodhi këtë të hënë në provincën e Kocaelit në Turqinë perëndimore .
Sipas mediave të huaja, mësohet se shpërthimi ka ndodhur pranë një magazine drithi në portin e Derinzës.
Guvernatori i Kocaelit, Seddar Yavuz njoftoji se kanë nisur një hetim për të zbuluar shkaqet e këtij shpërthimi.
“Hetimet fillestare tregojnë se një shpërthim ndodhi për shkak të ngjeshjes së pluhurit të grurit gjatë transferimit të grurit nga një anije,” tha Yavuz.
“Na u tha se teknikisht është e mundur që një shpërthim mund të ndodhë për shkak të ngjeshjes së pluhurit të grurit, por ne jemi duke hetuar çdo arsye të mundshme”, shtoi ai.
Nga shpërthimi mbetën të plagosur 10 persona, dy nga të cilët janë në gjendje të rëndë shëndetësore.
Ministria e Transportit tha se asnjë anije nuk u dëmtua nga shpërthimi./Opinion.al
