Komisioni i Disiplinës së Federatës Italiane të Futbollit ka vendosur të gjobisë drejtorin e Lacios, Igli Tare pasi ka ofenduar sistemin VAR. Lacio humbi 1-0 përballë SPAL, pas një penalltie të akorduar nga arbitri me ndihmën e VAR-it në minutën e 89-të të ndeshjes.
Sipas komunikatës zyrtare, drejtori sportiv i ekipit të kryeqytetit Igli Tare ka shpërthyer në ofendime. Për këtë shkak është gjobitur me 5 mijë euro. “Tare gjobitet për shkak se në përfundim të ndeshjes, në dhomat e zhveshjes, ka konstestuar në mënyrë të turpshme punën e VAR-it”, thuhet ne komunikatën e Komisionit të Disiplinës./Opinion.al
