Dy shpërthime të fuqishme janë regjistruar gjatë punimeve për ndërtimin e një qendre të re tregtare në Hamburg të Gjermanisë.
Pamjet e ngarkuara në mediat sociale treguan dy shpërthime të mëdha dhe një shtëllungë tymi të zi që mund të shihej në të gjithë qytetin.
Sipas mediave të huaja, ngjarja ka ndodhur në kantierin e ndërtimit Westfield në Hafer City, Hamburg, që nga pasditja e vonë e 9 qershorit.
Zjarrfikësit në vendngjarje thanë se shpërthimet u shkaktuan nga shpërthimi i bombolave të gazit në çati.
Zyra Federale Gjermane për Mbrojtjen Civile dhe Asistencën ndaj Fatkeqësive këshilloi banorët afër vendit të ngjarjes të mbajnë të gjitha dritaret dhe dyert të mbyllura.
Nga ngjarja e ndodhur është ndërprerë transporti në zonën e prekur deri në përfundimin e operacioneve të shuarjes së zjarrit. Autoritetet mund të zbatojnë masa shtesë sigurie, duke përfshirë mbyllje të mëtejshme të rrugëve ose urdhra evakuimi, në varësi të nevojave të reagimit emergjent./Opinion.al
