Të paktën katër persona janë vrarë dhe tetë të tjerë janë plagosur në një sulm me bombë të vendosur pranë një automjeti policie në qytetin jugperëndimor pakistanez të Quetta.
Mediat lokale bëjnë me dije se ngjarja ka ndodhur këtë të hënë rreth mesditës, ku një makinë policie ka shpërthyer nga një sulm me bombë.
Mendohet se pajisja shpërthyese e improvizuar, ishte vendosur në një motocikletë të parkuar pas automjetit të oficerit.
Sipas policisë deri më tani raportohen 4 persona të vdekur dhe 8 të tjerë që kanë mbetur të plagosur nga sulmi i ndodhur.
“Kemi marrë katër trupa të vdekur dhe tetë të lënduar, që janë dërguar në Spitalin Civil,” tha Wasim Baig, zëdhënës i spitalit të Quetta për Reuters.
Zyrtari i lartë i policisë Shafqat Cheema tha se objektivi ishte automjeti i ushtruesit të detyrës së mbikëqyrësit të hetimeve policore e cila ishte e parkuar në Kandahari Bazar.
Ai tha se raportet fillestare treguan se një pajisje shpërthyese e improvizuar ishte vendosur në një motoçikletë të parkuar pas automjetit të oficerit./Opinion.al
