Një automjet tip Benz ka shpërthyer në flakë në aksin rrugor Lushnje-Rrogozhinë.
Sipas tvklan, në mjet udhëtonin një çift bashkëshortësh me fëmijën e tyre.
Ata kanë parë tymin që ka dalë nga pjesa e përparme e mjetit dhe kanë hapur krahun e lëvizjes duke e futur mjetin në anën e rrugës. Sapo kanë zbritur tre familjarët, mjeti shpërtheu në flakë.
Fatmirësisht nuk ka pasur të lënduar përveç dëmeve materiale.
Edhe ardhja e zjarrfikëses së Lushnjes që bëri të mundur fikjen e zjarrit nuk e shpëtoi mjetin nga djegia totale. Dyshohet se shkak i zjarrit të ketë qenë difekt në paketën elektrike. Policia dhe zjarrfikësja ndodhen në vendngjarje./Opinion.al
