Një ngjarje e rëndë ka ndodhur ditën e sotme në një gurore në fshatin Kurcaj të qytetit të Krujës.
Sikurse njofton policia, një 55-vjeçar ka ndërruar jetë pasi gjatë punës i ka shpërthyer aksidentalisht një minë elektrike.
Nga shpërthimi është plagosur edhe 55-vjeçari Gani Demnushi, i cili aktualisht ndodhet në spitalin e traumës Tiranë, nën kujdesin e mjekëve.
Policia sqaron më tej se ka shoqëruar në komisariat përfaqësuesin ligjor të firmës dhe një punonjës tjetër, i cili ishte prezent në momentin e shpërthimit, ndërsa grupi hetimor nën drejtimin e Prokurorisë së Krujës vijon punën për sqarimin e rrethaneve të plota të ngjarjes./Opinion.al
