Fantazmat e vjetra të krimit në qytetin e Lushnjes, pasditen e sotme, kanë prodhuar një bilanc tragjik me dy të vdekur dhe 2 të plagosur.
Burime nga policia thanë se historia e përgjakshme e Elbasanit mund të riprodhohet edhe në Lushnje, ku një atentat i tipit mafioz i mori jetën dy të rinjve dhe plagosi tre të tjerë, (njëri prej të cilëve rëndë) janë dëshmia më e qartë e një beteje të re mes bandave rivale.
Nga njëra anë janë mbështetësit e të famshmit Aldo Bare njeriu i përfolur që në vitin 97” ka luajtur futboll me kokën e prerë të armikut të vet.
Krimi që ka terrorizuar qytetin, pasi kalimtarët janë zhdukur me shpejtësi, pas policisë që ka vrapuar e para të largohet nga vendi i krimit, dyshohet të jetë kryer nga një grupim rival tejet i njohur në shkallë vendi. “ Ata që goditën dyshohet që janë një bandë po aq e rrezikshme gjë që mund të çojë në një përshkallëzim të rrezikshëm të situatës në qytet” tha për lapsi.al një burim i policisë.
Pikërisht kjo goditje e re tregon se grupet kriminale kanë dalë nga kontrolli. Shumë specialist mendojnë se fakti se policia ia mbathi nga sytë këmbët është treguesui më i fortë që tregon se rendi nuk varet më nga forca e uniformave blu, por nga vullneti i bandave për të bërë luftë apo paqe.
