Një shpërthim është regjistruar në orët e para të mëngjesit në rrugën dytësore “Tiranë-Vorë”.
Sipas uniformave blu, dyshohet se një sasi e vogël lënde plasëse ishte vendosur në një godinë boshe, ku si pasojë janë shkaktuar dëme materiale.
“Më datë 05.01.2024, rreth orës 03:55, në një godinë boshe, në rrugën dytësore “Tiranë-Vorë”, dyshohet se ka shpërthyer sasi e vogël lëndë plasëse.
Si pasojë janë shkaktuar vetëm dëme materiale. Po punohet për sqarimin e rrethanave të ngjarjes”, njofton policia.
Materialet i kaluan Prokurorisë./Opinion.al
