Një banesë ka marrë flakë pasditen e sotme në lagjen “Uznovë” të Beratit. Sipas policisë, shkak i zjarrit në banesë, dyshohet të ketë qenë një bombol gazi. Flakët u neutralizuan nga zjarrfikësit, ndërsa si pasojë e zjarrit u dogjën disa materiale në dhomën e gatimi, ndërsa për fat të mirë nuk ka njerëz të lënduar.
Njoftimi i plotë i policisë:
Më datë 08.12.2017, rreth orës 16:30 në Sallën Operative ka mbërritur një telefonatë se në banesën e shtetasit Sh.S në lagjen “Uznovë”, Berat kishte rënë zjarr.
Menjëherë shërbimet e policisë, zjarrëfikëses dhe ambulanca shkuan në vendngjarje, ku bënë të mundur normalizimin e situatës dhe shuarjen e zjarrit.
Nga informacionet paraprake dyshohet se zjarri është shkaktuar nga një bombol gazi.
Nga flakët nuk ka persona të lënduar
Grupi hetimor ndodhet në vendëngjarje ku po kryen veprimet e mëtejshme për zbardhjen e plotë të ngjarjes.
